ORANJESTAD –  E frontera entre Aruba i Venezuela ta keda será por lo pronto, segun Promé Minister Evelyn Wever-Croes. Kòmbersashonnan ta tumando lugá pa reapertura, pero te ainda sin resultado. 

Ku e deklarashon aki Promé Minister ke pone un fin na rumornan riba medionan sosial ku a kuminsá na Venezuela mes.

Na komienso di luna di mei Promé Minister Evelyn Wever-Croes a papia ku Robert Schuddeboom, ambasador di Reino na Caracas, riba un eventual reapertura pa e isla. E reapertura aki tin bentahanan ekonómiko pa e isla. E ora ei a ekspresá e deseo pa na momentu ku habri e frontera marítimo  i ekonomia kuminsá krese atrobe pa habri tambe e frontera espasial.

Pero Aruba ke tin un apertura kontrolá si pa evitá ku Benesolanonan ta basha bini e isla.

E Promé Minister ta bisa ku kòmbersashonnan ku Venezuela ta kanado bon, pero ku mester bini mas koperashon di e pais.