KRALENDIJK – For di investigashon resien ta resultá ku na 2040 un di kada tres habitante di Boneiru lo ta kuidadó di famia i konosí. Aktualmente ya kaba un di kada sinku Boneriano ta pèrkurá pa un próhimo, loke ta indiká un nesesidat kresiente pa rekonosimentu i sosten pa kuidadónan di famia i konosí.

Segun e Fundashon Kuido di Famia i Konosí Boneiru tin un nesesidat urgente pa rekonosimentu pa e karga pisá i soledat ku kuidadónan di famia i konosí ta eksperensiá. E kantidat di hendenan grandi ta krese na Boneiru: na 2023 tabatin 5.344 persona mas bieu ku 60 aña, un subida di 6.2% kompará ku un aña promé. E subida aki ta hasi’é mas importante pa mehorá e sosten pa kuidadónan di famia i konosí.

Pa komprondé loke kuidadónan di famia i konosí mester, Fundashon Kuido di Famia i Konosí Boneiru a desaroyá un enkuesta. E fundashon ta pidi e kuidadónan di famia i konosí riba e isla pa partisipá na e enkuesta aki. E enkuesta ta disponibel na e idiomanan Hulandes i Papiamentu.