WILLEMSTAD – Gobièrnu di Kòrsou ta hasi un yamada na komunidat pa prepará nan mes pa posibel mal tempu e siman aki. Esaki mirande e echo ku Islanan di Karibe ta drentando temporada di orkan di 2024. 

Servisio Meteorológiko di Kòrsou ta tene e situashon di tempu, ku ta desaroyando den nos region e dianan benidero aki, na bista. Ta spera yobida fuerte, kompañá ku bos i welek.

Diferente servisio di gobièrnu, entre kua Direktorado di Dominio di Riesgo (DRR), Kuerpo di Polis di Kòrsou (KPC), Brantweer, Servisio di Obranan Públiko (OW) i SOAW a reuní ayera mainta pa hasi preparashonnan.

Ta pidi habitantenan pa tene kuenta ku inundashon den áreanan kaminda el a yega di sosodé kaba na momento di yobida fuerte. Konsiderá pa keda eventualmente serka famia- of amigunan.

Habitantenan mester tene kuenta ku akseso limitá di servisionan di emergensia durante e mal tempu, pasobra por sosodé ku tin peliger pa e personal di emergensia aki tambe.

Gobièrnu ta hasi preparashonnan tambe ku limpiesa di roi- i damnan i ta pone tur tim di ayudo di emergensia den estado di alerta.