Kralendijk- E grado di bakunashon den porsentahe di habitantenan di 18 aña òf mas ta subiendo poko poko pero sigur. Ta asina leu 4140 hende a risibí tur dos bakuna, mientras ku 11.248 hende a risibí al ménos 1 angua kaba.

Awor e reto ta bai sinta den e echo si sufisiente hende ta sigui registrá pa logra e meta di un grado di bakunashon di 85% òf mas pa por konsiderá Boneiru komo ‘seif’. Ku e grado di bakunashon aki, ni maske tin hendenan infektá ta yega Boneiru, e virus di Covid-19 lo no por plama fasilmente mas.

Kòrsou

Na hermana isla Kòrsou e bakunashon ta kanando hopi rápido. Segun un grafik ku e korant Volkskrant a publiká Kòrsou aktualmente ta e pais ku ta bakunando mas rápidamente, na nivel mundial.