WILLEMSTAD – Un hóben desabilitá di 22 aña a pèrdè su bida djadumingu último den un kandela den un kas na Cubaweg. Jan Carlos Faneyte, nasé na Kòrsou 26 di dezèmber 2002, no por a bandoná su kamber riba propio forsa i a stek den e huma.

Despues di e yamada polis a yega rápido na e sitio. E kas tabata na kandela i   brantweer a logra skapa un dama di edat for di e kas, pero pa e hóben e ayudo a yega lat.

Outoridatnan a inisiá un investigashon huntu ku e tim forénsiko pa determiná kiko por a okashoná e kandela den e kas. Ta pensa riba e posibilidat di un korto sirkuito.