KRALENDIJK- E hòmber hulandes-europeo A. de W. ku desde komienso di aña ta parse di ta biba na Boneiru atrobe djaluna anochi a keda arestá ora e tabata buska problema ku trahadó na Eden Beach. 

De W. tabata den pasado resien tabata okupá un funshon basta klave na Boneiru, pero a bandoná e isla pa bai traha na Kòrsou, despues ku su doño di trabou a terminá e kontrato laboral kuné bou di sirkunstansianan no mashá alentador. Trabou nobo na Kòrsou aparentemente tampoko a bai masa bon, pasombra na komienso di aña 2022 por a mira De W. bèk na Boneiru. 

Fuma

De W. klaramente a bebe di mas i tabata aktua ferfelu kontra di empleado na e resort kaminda supuestamente ker a bringa ku nan, despues di kual a yama polis p’e. Ora polis a yega, na lugá di skucha orden di polis pa bandoná e sitio, De W. ker a debatí ku polis tambe i asta ker a bringa ku e polisnan. 

Ei si kana di polisnan a yena, despues di kual nan a arestá De W. i a hibele warda di polis pa dunele alohamentu gratis pa un anochi. Den transkurso di djamars a laga De W. bèk den libertat.