ORANJESTAD- Horacio Oduber Hospital di Aruba (HOH) ta e promé hospital den Karibe Hulandes pa a kumpra i kuminsá usa un aparto sofestiká pa hasi tèst di pulmon. Ta trata aki di e equipo Vyntus BODY. 

E mashin por hasi diferente tipo di tèst, ku antes no tabata posibel. Tambe, usando e aparato sofestiká aki, por hasi diagnóstico mas presis, ku tabata posibel anteriormente. Ku implementashon di e mashin nobo, awor tin ménos nesesidat di manda hende otro kaminda pa hasi tèst. Esaki, según HOH no solamente ta skapa gastu, pero tambe hopi inkomodidat pa e pashènt. 

HOH ta bisa di ta orgulloso pa a kuminsá usa e sistema nobo aki pa benefisio di nan pashèntnan.