ORANJESTAD- Hulanda lo fòrtifiká e kooperashon ku Aruba i Sint Maarten den tereno di energia renovabel. E paisnan a yega na un akuerdo riba esaki durante e promé Konferensia di Klima i Energi Karibense (CCEC), ku lo tuma lugá na Aruba di 10 pa 12 di mei.

Un grupo amplio di organisashon, islanan i paisnan ku tin islanan for di Karibe i mas allá ta presente na e CCEC. Ku e konferensia, Hulanda i Aruba ta desea pa fomentá kooperashon riba akshon di klima entre islanan chikí mundialmente. Ehèmpelnan di temanan ku ta ser diskutí ta inkluí un transishon di energía inklusivo i finansiamiento di e plannan.

Na e konferensia, Hulanda lo firma un Memorandum di Entendemento (MoU) ku tanto Sint Maarten komo Aruba. E kooperashon ta enfoká riba teknologianan variá di energía renovabel, manera energía di biento, hidrogeno verdi, energía solar i almasenamentu di energía.

Akuerdo

E memorando ta inklui akuerdonan riba interkambio di personal i konosemento sientífiko i teknológiko, i organisashon di, por ehèmpel, grupo di trabou konhunto i proyektonan di investigashon.