KRALENDIJK – Awe, djaluna 22 di yüli, alrededor di 2 or di mardugá, un insidente ku tiramentu a tuma lugá riba Kaminda Djabou. Un vehíkulo a kore pasa i a lòs bala for di un arma di kandela den direkshon di un grupo di persona. Un di e personanan ku tabata na e sitio a keda alkansá pa bala i a resultá heridá. A transportá e víktima pa eksterior pa tratamentu médiko mas avansá. Investigashon den e kaso ta kontinuá.

Polis ta pidi kualkier persona ku por a mira algu, a tende algu òf tin informashon relevante pa e investigashon, pa tuma kontakto ku polis na 715-8000 òf via di e liña di tep anónimo 9310.