KRALENDIJK – E Kuerpo di Polis di Karibe Hulandes (KPCN) resientemente a risibí e un bishita di INTERPOL. Durante e enkuentro di dos dia, hefe di Informashon i Ekspertisio, Melvin Sint Jago, tabata presente ku representante di polis i INTERPOL.

E organisashonnan a papia tokante siguimentu i konfiskamentu di kapital ilegal, i a intensifiká e kolaborashon ku Koninklijke Marechaussee, Ministerio Públiko i Gezaghebber di Boneiru. A papia tambe riba e uzo di base di datos i hèrmèntna di INTERPOL, manera e sistema di Notices, pa kontrolá frontera mihó i pa identifikashon di suspecho mas fásilmente.

E enkuentro a resultá den un kompromiso renobá pa akshonnan i inisiativanan konhunto. A akordá pa interkambiá konosementu i ‘best practices’, mehorá kapasitadnan operashonal i intensifiká programanan di entrenamentu huntu. Análisis di dato avansá i interkambio di informashon lo yuda pa antisipá aktividatnan kriminál, fortifikando asina e seguridad den región.

Kolaborashon

KPCN ta bisa ku nan lo kontinuá kolaborashon ku INTERPOL i otro partnernan internashonal, pa hasi Karibe Hulandes mas sigur i estabil.