KRALENDIJK – Inspekshon di enseñansa ta na Antia Hulandes di 4 di mart te ku 20 di mart pa hasi un investigashon nobo di kalidat na Komunidat di Skolnan na Boneiru. Ki dia nan ta eksaktamente na Boneiru den e periodo aki no ta konosí ainda.

Kada dos aña e inspektornan ta kontrolá e komunidat di skolnan na Boneiru. E último biaha esei tabata na 2022. Un investigashon nobo ku a plania lo tuma lugá den e periodo di 4 te ku 20 di mart 2024.

Ta hasi e investigashon pa wak si e sistema di kuido di kalidat di e skolnan ta bon. Huntu ku e skol i e direktiva ta wak e siguiente mehorashon di kalidat. Lo bai wak: ‘Kiko ta bai bon?’,  ‘Kiko por mihó’ i ‘Kiko mester bira mihó’.