KRALENDIJK – Komishon Supervishon di Protekshon di Dato Personal BES (Commissie toezicht bescherming persoonsgegevens BES) a kuminsá ku un investigashon tokante posibel pèrdida di informashon (datalek) den e atministrashon básiko di Registro Sivil Boneiru. 

Despues di un notifikashon di Kolegio Ehekutivo tokante posibel iregularidat, CBP BES ta investigá kiko a pasa eksaktamente. E investigashon aki ta inkluí entre otro, entrevista ku funshonario i mandatario enbolbí i tambe por bishitá e sitio. 

Despues ku terminá e investigashon, lo kompilá un reportahe. Lo kompartí e reportahe aki promé ku e organisashon enbolbí i despues lo publiká e konklushon- i rekomendashonnan.