KRALENDIJK – Èks diputado i èks miembro di Konseho Insular pa Union Patriótiko Boneriano (UPB) ta bai fungi komo miembro di Konseho Insular pa e partido bèrdè. Kroon ta bai bin na lugá di aktual konsehal Roderick Groenman.

Kroon ta un polítiko ku hopi eksperiensia, komo miembro di Konseho Insular, lider di parti i tambe diputado. Na tur, James Kroon ta e diputado ku a sinta mas tantu aña den gobièrno di tur otro konsehal. 

Por spera di Kroon ku e ta bai hiba un oposishon fuerte kontra di koalishon aktual formá pa Partido Demokrátiko Boneriano (PDB), M21 i konsehal Vrolijk. Komo èks mandatario, Kroon tin hopi konosimentu di materia i hopi eksperensia den gobernashon. 

Tambe ta konosí ku Kroon ta hopi krítiko riba aktual koalishon, algu ku e no a ni purba di skonde den e lunanan tras di lomba, for di dia gobièrnu nobo a sinta. Huramentashon di Kroon lo mester tuma lugá durante reunion di Konseho Insular riba djamars.