WILLEMSTAD- Djaluna gerensia di Jetair Caribbean a saka un komunikado di prensa kaminda di un banda nan ta konfirmá di ta enfrentando problemanan tékniko, pero kaminda nan ta kritiká alabes loke nan ta deskribí komo spekulashon negativo ku lo ta tumando lugá riba medionan sosial. 

“Pa medio di e komunikado aki, gerensia di Jetair kier a informá su klientenan/pasaheronan ku Jetair ta konfrontando problema tékniko kual a resultá den kanselashon di buelonan entre 19 di mei pa 24 di mei 2024”, asina e komunikado ta bisa. 

Según e mesun komunikado, empleadonan di e kompania di aviashhon, Jetair su departamentu di mantenshon a hasi un chekeo djasabra último i a indiká ku mester hasi un kambio di motor kual lo tuma algun día. 

Gerensia Jetair ta bisa tambe di ta lamentá tur e reakshon i spekulashonan negativo ku ta bayendo ront den media.

Jetair ta bis tambe di ta ekstendé su diskulpa pa e inkombenesia ku a surgi.

Pasahero

Tin pasahero ku sí a tende di Jetair ku sí lo paga estadía pa nan, notablemente esnan na Medellín Colombia. Sin embargo, otro pasaheronan na otro destinashon a bisa di no a tende nada di Jetair i k unan a haña nan mes ta kumpra pasashi riba otro aerolínea pa por yega bèk na e isla.