WILLEMSTAD – E kadena di sentronan komersial, Sambil, originalmente di Venezuela, ta tene e aña aki su konferensia anual na Kòrsou, unda tambe e empresa tin un sentro komersial. 

“Nos ta tene e konferensia aki pa promé biaha na Kòrsou, ku representantenan di tur nos filialnan na Kòrsou, Venezuela, Madrid, i Repúblika Dominikana,” e fundadó di e kadena, Salomón Cohen, a bisa.

Ekspanshon

Ounke e sentro komersial na Kòrsou na promé instante tabata tin un komienso algu  difísil, den último aña ta birando mas popular ku kada bes mas tiendo, tambe di markanan renombrá i alabes un supermerkado grandi di e kadena franses Carrefour.

Bishitante ta apresiá e ambiente ku aire kondishoná pa nan kompras, i tambe e hopi aktividatnan organisá ku regularidat den e sentro komersial.