PHILIPSBURG – Despues di un periodo di 12 aña, Michael Cleaver a tuma despedida komo direktor di WINAIR, e aerolinia establesí di Sint Maarten.

Cleaver ta laga tras di un kompania ku presensia operashonal sobresaliente i kambionan importante ku a hasi e kompania rendabel den e añanan pasa. E retiro di Cleaver a wordu posponé dos biaha pa motibonan inprevisto, pero awor ku situashon ta estabil, a anunsiá ku e lo retira na 2023.

WINAIR ta bisa ku nan a selekshoná Hans van de Velde komo e nuebo CEO direktor despues di un proceso di selekshon kuidadoso. Van de Velde tin eksperensia amplio den industria di biahe i a traha na diferente aerolinia manera TUI Nederland i TUI Frankrijk.