KRALENDIJK – Un kandela di mondo a kousa hopi molèster di huma pa e habitantenan di Bario Mexico riba djasabra atardi i anochi.

Algu tempu despues ku e kandela a kuminsá, e Kuerpo di Bombero Hulanda Karibense (BKCN) a subi e nivel di emergensia pa un kandela di tamaño mediano. Presensia di sushi di kas aa hasi difísil pa paga e kandela mesora. 

Entidat Públiko di Boneiru (OLB) a bini na yudansa di e kuerpo di bombero pa stòp e kandela tapando e fuente di kandela ku santu. Debí na e kantidat di huma, e kuerpo di bombero a konsehá habitantenan den bisendario pa mantená bentananan i portanan será. 

Ilegal

Awor.nu ta komprondé ku tin sospecho ku na e lugá den pasado a saka greis di forma ilegal, i despues a usa e sitio pa depositá shushi di forma ilega.  Despues ku logra paga e kandela kompletamente, BKCN lo hasi un investigashon mas profundo den dianan ku ta bini, pa determiná e kousa di e kandela, pero tambe e situashon eksakto na e sitio.