QUITO, ECUADOR – E siman aki, KLM ta selebrá su 70-aniversario di buelo sin interupshon pa Ecuador, markando e periodo di operashon mas largu ku kalke otro aerolínea Europeo. 

Marie-Noëlle Landázuri, manáger di KLM na Ecuador, ta atribuí e éksito na e dedikashon di e ekipo na seguridat i ekselensia, i a ekspresá gratitut na e autoridatnan i aeropuertonan di Quito i Guayaquil pa e kolaborashon di hopi aña.

E operashon di KLM na Ecuador a kuminsá dia 17 di yüli 1954, ku un solo buelo semanal pa i for di Guayaquil. Duranti e añanan, e aerolínea a ekspandé su servisio pa Quito i a oumentá e frekuensia dASi buelo, utilizando vários tipo aviones, inkluyendo e DC8 i MD11, ku un eskala na Antia Hulandes. E buelonan aki inisialmente tabata hasi un eskala na Kòrsou, i despues na Boneiru. Na òktober 2011, KLM a introdusí buelo direkto pa Ecuador ku e bi-motor Boeing 777. Aktualmente, KLM tin buelo direkte entre Quito, Guayaquil, i Amsterdam, konektando Ecuador asina ku diferente destinashon mundial via di nan hùb na Schiphol.