KRALENDIJK- Diputado Clark Abraham di Ekonomia i Turismo ta ninga ku Tourism Corporation Bonaire (TCB) a wordu konfrontá ku un kòrtamentu di nan presupuesto pa aña 2024.

Direktor di TCB Miles Mercera djaweps durantu un enkuentro ku partnernan di turismo a a indiká ku TCB a haña su mes ku un sorpresa na mart di e aña aki, ora e keda konfrontá ku un redukshon signifikante di nan presupuesto. E situashon aki lo tin komo konsekuensia ku tin ménos sèn disponibel pa hasi merkadeo. Tambe TCB no por usa sigui usa un hèrmènt spesial ku taduna informashon tokante fututo reservashon. 

Segun Abraham ta bisa, TCB ta pinta e situashon di un manera ku no ta kuadra. “Loke TCB ta indiká no ta korekto. TCB ya tin e mesun presupuesto por vários aña, i esaki no a kambia pa aña 2024.” 

Abraham ta konfirmá sí ku den su totalidat tin ménos sèn disponibel, pero esaki ta debí na e echo ku fondonan adishonal, ku a bira disponibel despues di Pandemia pa e asina yamá Tourism Recovery Plan.