KRALENDIJK- Konseho Insular di Entidat Públiko Boneiru (EPB) a gasta un total di 463.644 dólar den e promé seis lunanan di 2024, loke ta tradusí na mas o ménos 51.000 dólar pa kada miembro di konseho.

Ekspresá den gastu pa luna, e gastu di biahe ta resultá na mas ku 8.000 dòlar pa konsehal, pa luna. Esaki ta sali na kla for di un resúmen ku Konseho Insular a manda pa prensa djabièrnè. E resúmen ta duna tambe un bista ta di tur gastu ku e representantenan di pueblo a hasi entre yüni 2023 i yüli 2024.

E bishita na e kongreso di e Vereniging van Nederlandse Gemeenten (VNG) na yüni 2023 a kosta 93.868 dólar. Pa e kongreso i bishitanan di trabou di yüni 2024, konseho a gasta mas o ménos 71.000 dólar mas, pa yega na un gastu total di 164.882 dólar.

E BES top na Sint Maarten o sea, e kumbre BES den yanüari 2024 a kosta Boneiru 65.993 dòler na gastu di biahe i estadia, 15.440 dòler na kompensashon di día i 24.776 dòler na hür di sala i gastu di reunión.

Pa e BES top polítiko na Hulanda, e konferensia di trabou kaminda a negoshá e revishon ku Hulanda i kaminda tur hende mester a ta presente, konseho insular mester a paga un total di mas o ménos 125.388 dòler.

Menor importansia

Konseho insular ta nota ku e gastunan, den lus di importansia di krea laso i koperashon mester wòrdu konsiderá di menor importansia.