KRALENDIJK – Pa mehorá e siguridat i sostenibilidat na Boneiru, Water- en Energiabedrijf Bonaire (WEB), komo supervisor di e proyekto pa Entidat Públiko Boneiru (OLB), ta instalando lusnan di kaya nobo LED rònt Boneiru. E proyekto aki, ku ta enserá e remplaso kompleto di 1,000 lus di kaya, ta kontribuí na un medioambiente mas sigur i mihó iluminá pa tur abitante.

Desde ku e proyekto a kuminsá na 2023, WEB ta sigui ku e di dos fase di implementashon. WEB a finalisá 30% kaba di e fase aki, ku ta nifiká e instalashon di 300 lus di kaya ku LED nobo den diferente bario. E lus nobo nan aki no solamente ta duna mihó iluminashon i siguridat, pero tambe ta kontribuí na un uzo di energia mas sostenibel.

Barionan ku ya tin lus di kaya nobo di LED ta inkluí:

• Santa Rosa

• Wanapa: Kaya Wanapa, Kaya Bamba, Kaya Wiri, Kaya Karkó

• Selesie

• Kibrahacha

• Amboina

• Nikiboko: Kaya Macario Sint Jago, Kaya Avelino J. Cecilia, Kaya Pos di amor, Kaya Dominico J.R. Herrera, Kaya Andres A. Emerenciana

• Den Chefi: Kaya Socrates, Kaya Bachaquera, Kaya Andino, Kaya Triton, Kaya Castor.

Den luna di sèptèmber i òktober, WEB lo kontinuá ku e instalashon di lus di kaya nobo LED na Boneiru. Durante e periodo aki, e siguiente barionan lo risibí iluminashon sostenibel i ku ta usa energia efisiente :

Planifikashon pa e periodo benidero (2-3 siman):

Tera Cora: Kaya Amazon, Kaya Miranda, Kaya Deseado, Kaya Parana, Kaya Demerara, Kaya Embira, Kaya Theresa F. Ilario, Kaya Erebato, Kaya Essequibo, Kaya Zambezi, Kaya Hulanda.

Belnem: Punt Vierkant, Kaya Pos Frances, Kaya Pos Karaña, Kaya Pos Mangel, Kaya Akuario, Kaya Skòrpio, Kaya Gemini, Kaya Sagitario, Kaya Mercurius, Kaya Neptunes, Kaya Uranus, Kaya Jupiter, Kaya Mars, Kaya Venus, Kaya Solo, Kaya Strea, Kaya Luna.

Nos ta pidi tur outomobilista i abitante pa tene kuenta ku e trabou ku ta tuma lugá i pa duna nan kooperashon. Durante e periodo aki, WEB lo kontinuá ku mantenshon di lus di kaya aktual. Si bo nota un lus di kaya ku no ta funshoná, por fabor toma kontakto ku nos servisio di interupshon na 9215 òf manda un e-mail na [email protected], pa nos por resolvé e problema lo mas pronto posibel.

WEB, den kolaborashon ku OLB, ta traha duru pa futuro i ta invertí den infrastruktura di Boneiru. E proyekto aki ta di gran importansia pa mehorá e kondishon di bida di nos komunidat. Nos ta gradisí tur hende pa nan komprenshon i pasenshi durante e transishon importante aki pa lus di kaya mas sostenibel.