Djaweps 14 di novèmber ta Dia Mundial di Diabétis, un dia mundial pa pidi atenshon pa diabétis i un estilo di bida salú. Fundashon Mariadal ta invitá tur habitante di Boneiru pa pasa un ratu pa un kontròl di salú i konseho di salú grátis.

For di 8.30 or te 11.30 or nos dietistanan i enfermera- i enfermeronan di diabétis ta para kla pa bo riba e plenchi banda di kapèl i poli di diabétis. Akí tur hende por laga kontrolá nan suku, preshon i peso i haña konseho balioso tokante alimentashon i estilo di bida. Tur esaki ta grátis.

Durante e siman akí e skolnan i sentronan di akohida na Boneiru ta dediká atenshon èkstra na alimentashon saludabel i prevenshon di diabétis. Di e manera akí nos ta stimulá konsientisashon serka e generashon mas hóben.

Pasa trankilamente serka nos na Fundashon Mariadal riba e plenchi banda di kapèl i poli di diabétis dia 14 di novèmber. Salú ta pa tur hende, laga nos traha huntu pa esaki!