KRALENDIJK – Djamars mainta por a mira un tene un kòntròl multidisiplinario na Chogogo Resort. Bou di guia di Inspekshon di Labor lo tene un akshon den kolaborashon ku Kuerpo Polisial Hulanda Karibense, Koninklijke Marechaussee, e Servisio di Imigrashon i Naturalisashon Hulanda Karibense, e Direktorado di Supervishon i Mantenshon di Entidat Públiko Boneiru, Ministerio Públiko i e Instituto Hudisial Hulanda Karibense. Dor di kolaborashon multidisiplinario por kontrolá mas lei pareu i tambe na kompanianan mas grandi.

Durante e akshon multidisiplinario lo kontrolá entre otro si ta kumpli ku diferente lei riba tereno di labor i estranhero. E leinan aki tin komo meta pa sòru ku labor ta tuma lugá di manera honesto, seif i salú.

Asina e lei por ehèmpel ta pone un restrikshon pa ku e kantidat di oranan di trabou pa asina sòru pa trahadónan haña sufisiente sosiegu. Banda di esaki dunadónan di trabou mester tene nan mes na asuntunan manera suèldu mínimo, reglanan riba tereno di ofertaim i sòru pa seguridat na boka di trabou. No ta permití tampoko pa laga trahadónan prosedente di eksterior traha sin tin un pèrmit pa esaki. Dor di e legislashon aki ta protehá e merkado di labor i ta kombatí labor ilegal, eksplotashon di labor i konkurensia deshonesto.

Mas kòntròl konhunto

Pa promové i kontrolá kumplimentu di lei- i ordenansanan na vigor, e kadena di estranhero ta traha huntu ku mas regularidat i ta ehekutá kòntròlnan konhunto. Durante e kòntròlnan aki ta limitá molèster pa e kompania i eventual kliente/huéspet mas tantu posibel. E departamento di Inspekshon di labor di e unidat di Asuntunan Sosial i Labor ta guia e akshon aktual aki.