KRALENDIJK- Kuerpo Polisial di Karibe Hulandes (KPCN) i Entidat Públiko Boneiru (EPB) kuntu ta bai intensiva kòntròl riba kachó ku ta kana lòs riba kaya.

Según KPCN i EPB, den vários komunikado presta atenshon kaba na e aserkamentu pa kombatí e problemátika di kachó. Entrante fin di e luna aki ta kuminsá atvertí i duna but na doño di kachó ku ta laga nan kachó kana lòs sin supervishon. 

Kontroleur di EPB i agente di KPCN ta traha huntu pa atendé e problemátika di kachó. Nan enfoke ta pa stimulá pa ta un bon doño di kachó i trese bèk e kantidat di insidente kaminda kachó ku ta kana lòs sin supervishon ta morde hende. Ta ehekutá medida a base di e ordenansa di kachó aktual. Un but ta 90 dòler. 

Seif

EPB ku KPCN ta mustra arriba si ku ku mester ofresé un lugá seif pa e kachónan tambe. 

“Ofresé e kachó un kaminda sigur na kas. Un kurá bon será ta ideal, pero no ta tur ora esaki ta posibel. Tene kuenta ku bon sombra, un baki pa awa i kuminda i un kadena seif ora bo mara bo kachó”, asina partidonan a komuniká. 

Den e kampaña di informashon, bou di e denominadó ‘mi kachó, mi responsabilidat’ ta duna tep ku por kontribuí pa bo ta un bon doño di kachó. Pa mas informashon, por bishitá www.bonairegov.com