KRALENDIJK- Djarason analistanan di Kuerpo Polisial Hulanda Karibense a finalisá un treinen di tres dia tokante aplikashon di senarionan den investigashon huntu ku analistanan di kuerponan polisial den e parti Karibense di Reino.

Sientífiko i kriminólogo Chantal Epskamp-Dudink, a duna e treinen riba petishon di KPCN basá riba método di rekonstrukshon durante senario ku ta yuda i guia e analistanan kon pa kontrolá informashon di un manera strukturá i efektivo den un investigashon. Senario di rekonstrukshon ta un medio kon pa bai ku ‘’tunnelvisie’’ i otro prosesonan sikológiko manera ‘groupthink’ i ‘confirmation bias’. 

Durante e promé dia di e treinen, e analista a keda kompañá pa hefenan di departamentu di KPCN; Steven Senior (Hefe departamentu di Reshèrshi), Edwin van der Giessen (Hefe departamentu Kuido básiko di polis) i Melvin Sint Jago (Hefe departamentu Informashon i Ekspertisio). Hefe suplente i operashonal di KPCN Ronald Zwarter, Hefe di KPCN; Alwyn Braaf, fiskal di Ministerio Públiko, Laura Stroink i koleganan di e departamentu di Reshèrshi tambe tabata presente. Analistanan di kuerpo Polisial Aruba, Kòrsou, Sint Maarten i Hulanda Karibense a sigui e restu di e treinen. 

Senario

Despues di e treinen, e analistanan huntu ku e tim di reshèrshi i Ministerio Públiko por yega na un bista nobo pa desmentí òf pa konfirmá senarionan. Ku finalmente e meta pa kontribuí na komprobá e bèrdat durante hayasgo di un kadaver òf desaparishon.