KRALENDIJK – Ounke ku ekonomia di Boneiru a krese un 23% den e periodo di aña 2012 pa aña 2021, e kresementu akí no ta tradusí su mes sin mas den ingreso mas haltu na niveal individual. Esaki ta bini na kla for di e reporte di Komishon di Estado pa Desaroyo Demográfiko di Karibe Hulandes 2050.

Pa kabes, e Produkto Bruto Nashonal (PBN) di Boneiru a baha pa mas o ménos 7% for di 2012. Na aña 2023, Komishon di Mínimo Sosial Karibe Hulandes a konkluí tambe ku na Boneiru, a pesar di varios medida tumá pa gobierno di reino i lokal, ketu bai tabata tin pobresa basta severo. 

Na aña 2021, mas o ménos 20% di e populashon tabata haña difísil pa tene kabes riba awa. Un rason prinsipal pa esaki ta e kosto haltu di bida na e isla. Produktonan básiko manera energia i kuminda ta importá mayormente, ku ta lanta e prijsnan halto. Como resultado, hopi hende tin mas ku un trabou paso nan no por sali ku un so.

Forsa di kompra

E komishon ta nota sin embargo ku ònderstant mas haltu, subida di salario den sektor públiko (gobièrnu) i medidanan dirigí riba kombatimentu di pobresa, a drecha forsa di kompra di sierto grupo na Boneiru.