ORANJESTAD – E gigante di aviashon di Latino Amerika, LATAM, a anunsiá ku nan lo tin buelonan entre e kapital di Peru, Lima, i Aruba.

E konekshon nobo aki lo kuminsá dia 2 di december 2023 i lo tin tres buelo pa siman. E kompania mester haña aprobashon ainda di autoridatnan competente, pero esaki ta parse un formalidat.

Aruba ta bira e kuater destinashon den e area aki kaminda LATAM ta biaha, hunto ku Cancún (Mexico), Punta Cana (Republika Dominikana) i San José (Kosta Rika). E tikètnan ta disponibel pa benta awe mes.

Pasashi

Pasashinan pa e ruta nobo tan na benta for di djaluna. E ruta nobo di Lima-Aruba lo wordu realisá riba djaweps, djasabra i djadumingu ku avionnan di tipo Airbus A319 òf Airbus A320. E buelonan ta sali for di Lima 12:00 or di merdia, mientras e buelo di regreso ta sali for di Aruba 18:20 or.

LATAM a wòrdu formá algun aña atrás dor di e fushon algun entre e aerolínea chileno LAN-Chile i e aerolínea braziliano TAM.