UTRECHT/KRALENDIJK- Lidernan di frakshon den Konseho Insular di Boneiru, Rolanda Hellburg-Makaai, Cyrill Vrolijk i Benito Dirksz a partisipá na dos dia di entrenamento intensivo di Liderasgo i Politíka na trainingscentrum Kaap Doorn na Utrecht ku a wordu organisá pa Nederlandse Vereniging Raadsleden (NVR).

Entrenadornan profeshonal a enfoká riba entre otro kalidat di liderasgo, e kompas moral, efektividat di mantené balansa sin perde grep, konsientisashon pa reforsá funshonamentu di forma efikas komo lider, i pa kuida e propio salú mental.

Miembro di Tweede Kamer Sandra Palmen di Nieuw Sociaal Contract (NSC) a hiba palabra durante di e training.

Ruud Niewold di NVR a klousura e training ku e siguiente palabranan, *E berdat no nesesariamente mester ta mei mei, komo lider bo por buska e berdat di bo mes manera”.