KRALENDIJK- E lugá di parker banda di ofisina di pòst na e asina yamá Brion Park dentro di algun dia lo mester ta kla pa uso. Esaki Diputado Cicilia a bisa ABC Online Media riba preguntanan djabièrnè.

Ounke ku esaki ta bon notisia, e entrega di e trabou a tarda basta luna, mirando ku na promé instante e lugá di parker mester a wòrdu entregá na yanüari di aña aki.

Ku e lugá di parker nobo un total di 64 lugá pa stashoná outo lo bini aserka den e promé fase. Den otro fase lo agregá mas espasio pa stashoná outo. Esaki sigur no ta un luho, mirando e skarsedat di lugá di parker ku tin aktualmente na Playa. 

E lugá nobo di parker tambe ta importanto pa e echo ku direktorado di Supervishon i Mantenshon dentro di poko lo kuminsá aktua mas severo kontra di hende ku ta stashoná outo kaminda ku esaki no ta permití, entre otro riba asera.