KRALENDIJK – Chonky De Lannoy a asumí e puestodi direktór di proyekto na Bonaire Bon Transation (BBT) for di dia 1 di ougùstùs. De Lannoy ta un kara konosí na Boneiru i na BBT, kaminda el a hunga un papél importante den e fundashon i den e promé pasonan di e organizashon.

De Lannoy tin más ku 30 aña di eksperensia den e sektor di energia i el tin konosementu amplio riba e áreanan di almasamentu di kombustibel, lógístika i maneho di kalidat. E ta konosí komo un líder entusiasma i desisivo, ku hopi eksperensia tékniko.

Segun BBT, De Lannoy ta kere ku Boneiru por ta un ehemplar pa e región riba e área di generashon di energia sostenibel. “E ta motivá pa kontribuí na esaki,” segun por lesa den e último boletín di BBT.