WILLEMSTAD – Kuminsá bo aña nobo sin debe. E yamada aki Ministerio Públiko ta hasi via e loket di Paga bo But. For di mañan te ku djarason shet’or di anochi  e lokèt ta habrí pa paga butnan ku ta habrí ainda òf pa drenta un areglo di pago.

E lokèt ta habrí kaba for di mitar di ocho mainta. Entre mitar di djesdos i mitar di dos e personal ta lùnch. Riba djaweps 22 di dezèmber e lokèt ta habrí non-stop di mitar di ocho di mainta te shet’or di anochi.

Na aeropuerto Ministerio Públiko ta kontrolá butnan ku ta habrí. Esaki ta nifiká ku mester paga nan promé ku biaha pa eksterior.