WILLEMSTAD – Minister di Hustisia ta bai aloká tareanan hudisial ku fundashonnan ta ehekutá atrobe dentro di ministerio mes. Esei ta na enkargo di e organisashon operativo Justitiële Zorg (UO JZ).

E ministerio ta mira e tumamentu bèk di tareanan di gobièrnu, ku ta tumanda lugá riba distansia,  komo un reakshon rational riba un tendensia  ku un rapòrt ku Kontrolaria General ta papia di dje.  Eiden tin pará ku mayoria fundashon ta bou di preshon, pasobra gobièrnu ta kòrta den supsidionan.

Ministerio di Hustisia ta teme ku e posishon finansiero di e fundashonnan aki lo sigui  empeorá i ta premirá ku si no intervení na tempu, esaki lo kondusí na mas gastu i posibelmente stagnashon inaseptabel den ehekushon di tareanan vital di gobièrnu.

Hustisia ta bisa ku halanda e funshonnan  ku a delegá anteriormente  bèk e ta antisipá netamente proaktivo riba e tendensia aki di manera ku e ta keda sigurá di ehekushon di su tareanan legal.

Banda di e motibunan finansiero e ministerio ta premirá ku e por ehekutá e tareanan mihó ku e fundashonnan den e kadena hudisial.  Tresiendo diferente tarea dentro di un organisashon operativo por realisá un koperashon mihó ku konsekuentemente ta mas efikas.

Lantamentu di e organisashon operativo Justitiële Zorg ta bai ofresé un ròl importante den ofresé kuido di seguridat na muchanan i siudadanonan en general den e komunidat Kurasoleño. No ta konosí ainda kua ta e fundashonnan ku lo bai eliminá.

E intenshon ta pa laga e organisashon operativo nobo start riba 1 di yanüari 2023.