KRALENDIJK – Na 2022 a notifiká na tur 725 dalmentu di outo serka polis na Boneiru. Esei ta un promedio di kasi dos pa dia i mas ku un aña anterior. Den mayoria kaso tabata trata di un dalmentu sin herido, Kuerpo Polisial di Karibe Hulandes (KPCN) ta informá den un konferensia di prensa ayera.

Den 510 kaso tabata trata di dalmentu di outo sin aksidente personal. Na 123 dalmentu si tabatin herido. Tambe tabatin 89 kasonan unilateral, kaminda 49 biaha tabatin leshon personal. Na tur tabatin pues 172 dalmentu di outo ku herido na 2022. Na 2021 tabatin 154.

Na 2022 tabatin tres kaso di aksidente ku morto. E aña anterior tabatin dos aksidente ku morto na Boneiru. Na 2021 KPCN a registrá na tur 673 dalmentu na Boneiru, 52 ménos ku na 2022.