KRALENDIJK – Na Boneiru, e kombinashon GroenLinks i PvdA a gana Elekshon Europeo ku un margen ámplio. E partido a yega na un total di 730 boto, kasi dos biaha mas ku e número dos, D66. 

E bon resultado pa GL/PvdA ta parcialmente determinado pa 533 voto pa e úniko kandidato di orígen Karibense Hulandes, Kenville Kleinmoedig. Diferente partido i polítiko individual a hasi un apelashon riba votadónan pa vota spesífikamente pa Kleinmoedig. 

PVV di Geert Wilders a resultá na e di 3 lugá ku un total di 172 voto, algu mas ku VVD ku en total 151 voto.

Votadó

E kantidat di hende ku a vota tabata hopi abou ku solamente 12% di tur esnan ku por a vota. Na tur 1784 residente di e isla a duna un voto válido.