Willemstad- Na Kòrsou e proseso pa registrashon pa bakuna kontra di Covid-19 ta kanando hopi bon. Mas ku 68.000 hende a registrá nan mes kaba.

Ademas desde awe hende nan por kana drenta tambe sin registrashon di antemano. Esaki ta posibel solamente na WTC i na Sentro Deportivo Kòrsou.

Promé ku a kampaña di bakunashon, mayoria hende tabata duda ainda si nan lo a bai bakuná òf no pero den simannan tras di lomba tòg ta ripará ku hopi hende sea a bakuná kaba òf ya a registrá pa risibí e bakuna.

Moderna

Aunke de komienso Kòrsou a usa solamente Pfizer, meskos ku ta e situashon na Boneiru, awor aki a kuminsá bakuná ku e bakuna di Moderna tambe. Moderna, ku ta wòrdu produsí na Merka, ta esun ku a usa tambe na ámbos St. Eustatius i Saba. E bakuna, huntu ku Pfizer, ta esun ku mundialmente ta wòrdu konsiderá esnan mas mihó i seif.