WILLEMSTAD – Un tim di persona entusiasmá ku ta snòrkel a hasi un ekskurshon di snòrkel di mas dia kantu di kosta sùit di Kòrsou di 100 kilometer largu. A filma e ekskurshon aki ku ningun hende a yega di hasi ainda. Den e pelíkula, ku yama ‘Curaçao Underwater Kunuku’ ‘The Suit’ ta konta e storia di Curaçao Underwater Kunuku, e bunita kurá bou di laman di Kòrsou. For di 1 di yüni por mira e pelíkula aki na bordo di e Dreamliner di TUI.

E ekskurshon di e tim di landadó-, sambuyadó- i personanan ku ta snòrkel eksperensiá i dediká a bai landa den ocho etapa di 6 pa 7 ora pa dia kantu di kosta sùit di e isla. Di e punto mas ost te na e punto mas nortwèst di Kòrsou

Durante e ekskurshon nan a filma e mundu bou di awa di Kòrsou. Riba profundidatnan kaminda kada persona ku ta snòrkel mes por eksperensiá loke ‘The Suit Ocean Team’ a mira i filma, ku e meta pa krea konsientisashon pa loke ta trata maneho di oséano en general i e awanan di kosta di nos islanan en partikular.

Curaçao Underwater Kunuku 

E resultado ta un pelíkula di 30 minüt ku bunita bista i músika ku ta mustra e bunita kurá bou di laman – na Papiamentu ‘Kunuku di Curaçao’. Karel, Niko i Curd ta landa manera piská den awa di ost pa wèst.

E pelíkula ta duna e públiko chèns pa eksperensiá e mundu bou di awa na kosta sùit di Kòrsou den no ménos ku seis idioma i e promotornan ta spera ku e personanan ke bai eksperensiá esaki nan mes. Tambe a pone e materia prima di e pelíkula na disposishon di edukashon i siensia, kumpliendo asina ku tres promesa: un bunita pelíkula, material pa edukashon i hopi informashon i hopi informashon pa siensia.

The Suit

The Suit ta un personahe fiktisio ku Curd Evertsz, promotor i produktor di e pelíkula a krea. Den e pelíkula e ta referí na e trahe di buseo ’The Suit’, algu ku sambuyadó- i personanan ku ta snòrkel, ku minimal un dùikbrel i un snòrkel, ta uza.

Curd Evertsz, ku a krea ‘Curaçao Underwater Kunuku’ & ‘The Suit Ocean Team’: “Konstrukshon nashonal mester kontené tambe maneho di oséano sostenibel. Oséanonan saludabel ta kontribuí na bienestar den mundu. Ta p’esei nos komo hende den naturalesa, ta usa naturalesa den humanidat pa protehá oséanonan kontra loke ta menasá, un bon maneho i protekshon sostenibel. Tuma e futuro di loke a duna nos den nos mes man.”

Por mira e pelíkula tambe riba YouTube (den 6 idioma).