KRALENDIJK – E promé siman di November ta interesante pa sektor turístiko di Boneiru ku dos aerolínia ku lo kuminsá bula pa Boneiru ku buelonan regular. 

Corendon lo ta e promé ku su buelo nobo entre Amsterdam i Boneiru. E Airbus A350 di World2Fly ku Corendon ta usa pa e ruta lo lanta for di Amsterdam i baha na aeropuerto Flamingo riba djadumingo den oranan trempan di anochi. 

Ta trata tambe pa promé biaha ku un Airbus di tip A350 ta baha na Boneiru. Mas lat den siman, pa ta eksakto djamars, BIA lo risibí un otro buelo nobo den forma di JetBlue, ku lo kuminsá ku un ruta direkto entre New York JFK i Boneiru. 

Den e kaso tambe ta trata di avionnan Airbus nan tambe, pero den e kaso aki un tipo di avion mas chikitu, A320.

Airlift

Sektor di hotelero na Boneiru tin e speransa ku e buelonan nobo lo yuda ku e okupashon di hotèl ku e aña aki, te asina leu, no ta bayendo dje bon ei ainda.