KRALENDIJK – Djamars anochi un otro kandela basta grandi a lanta kabes na lèntfel den área di Lagun. E kandela por a wòrdu mira djaleu. 

Vários habitante, pa motibu di e kantidat di huma potensialmente daniño a wòrdu evakuá for di nan kas di forma preventivo, pero obligatorio. E magnitut di e evakuashon ainda no ta muchu kla. 

Te ku anochi lat, no tabata tin ningun deklarashon ofisial di parti di gobièrnu òf di parti di Selibon mes. Ya for di djaluna tabata tin kehonan di un holó di huma ku habitantenan ku ta biba serka di lèntfel por a hole. 

Reunion

Segun e emisora di radio Live99 e grupo Pro Lagun, ku ta defende interes di habitante de e area di Lagun lo a bini huntu den parke Wilhelmina, pa papia tokante e situashon ku a surgi.