KRALENDIJK – Riba 11 di sèptèmber pasá, durante un sesiòn di kadena, un importante deklarashon di intenshon a keda firma ku e meta pa mehora e re-integrashon di detenido na Hulanda Karibense. 

Representanten di e Entidat Públiko di Boneiru, partnernan di kadena kriminal i organisashonnan di ehekushon a bini huntu pa formalmente konfirmá e kolaborashon aki. E meta ta pa optimisa e re-integrashon i resosialashon di detenido mediante un kolaborashon mas intensivo.

E nuevo enfoke ta pone énfasis riba guia personalisá, interkambio di informashon mas efisiente, i medida pa redusí residiva. Justisabelnan ta keda prepará durante nan detenshon pa nan regreso den sociedat, ku intervenshon dirigi i sostén. E metodo aki mester laga re-integrashon bira mas efektivo i trese mas komprenshon den komunidat.

Mas sigur

Ku esaki, e partidonan involví ke kontribuí na un komunidat mas seguro i inklusivo, kaminda justisabelnan ta haña un oportunidat nobo pa kontribuí positivamente den sociedad.