KRALENDIJK – Si bo ta risibí penshun di PCN i AOV di RCN, e ora ei bo pago neto di bo penshun serka PCN por kambia. Esei ta pasobra e pago di AOV di RCN a subi 1 di yuli 2024. Tur penshonado pa ken esaki ta konta ta risibí na luna di yüli un karta i un slep di salario. 

Si PCN ta paga bo penshun, e fondo ta retené impuesto riba entrada. Bo tin un suma liber di impuesto. RCN ta tene kuenta ku esaki kaba na momento di pago di AOV. Ta p’esei nan no ta retené impuesto riba bo AOV. PCN ta tene kuenta ku RCN a deskontá e suma liber di impuesto kaba ku e AOV. Asina e fondo ta evitá mas tantu posibel ku abo komo penshonado ta haña un impuesto adishonal di servisio di impuesto.

Posiblemente un penshun neto mas abou di PCN

E montante di AOV a subi entrante 1 di yüli 2024. PCN ta retené despues di esaki posiblemente mas impuesto. Pasobra, e entrada total, pues e penshun di PCN i e AOV huntu, ta bira probablemente mas haltu. Pa e motibu aki e penshun neto di PCN por bira ménos pa un part di e penshonadonan.

Bo ke sa mas?

Na luna di yüli tur penshonado pa ken esaki ta konta ta risibí un karta i un slep di salario nobo.Bo ke sa mas? Tuma kontakto libremente ku PCN. Gustosamente nan lo yudabo. Bo ta haña e datonan via e website: https://pensioenfonds-cn.com/?lang=pm.