KRALENDIJK- Aunke Kolegio Ehekutivo algun luna pasá a desmentí kategórikamente di ta na altura di plannan pa konstrukshon di un resort nobo di 106 apartemento riba parti di tereno di anterior Sunset Beach Hotel, siman pasá a publiká un aviso ku ta menshoná e petishon en kestion. 

Personanan yegá na Kolegio Ehekutivo na mei tabata praktikamente a grita ku no por a bisa nada ainda, ‘pasombra no tin permit’. Asta gezaghèber Edison Rijna a saka un komunikado por eskrito ku no por a duna ningún komentario (ainda), ya ku e resort lo ta solamente den un ‘fase di pensamentu’. 

Splika

Bonaire.nu na varios okashon a invitá Kolegio Ehekutivo públikamente pa splika poblashon kon konstrukshon di un resort asina grandi, riba un pida tereno asina chikí, ta fit den e vishon ku Gobièrnu ta pretende di tin, di un turismo ‘chikitu i eksklusivo’. 

Ta interesante pa mira si, despues ku a kaba di ortogá e permit pa e resort ya menshoná, kolegio ehekutivo Semper lo sali bin splika kon e resort ta kuadra den e parti di ‘chikitu i ekslusivo’ ku asta a keda menshoná literalmente den e plan di rekuperashon pa turismo na Boneiru.