KRALENDIJK – Korps Politie Caribisch Nederland (KPCN) a risibí no ménos ku 40 notifikashon di ladronisia di sea outo òf kosnan hortá for di den outo pa loke ta e prome lunanan di aña 2024. 

Segun KPCN, e kantidat di insidentenan aki ta enfatisá e nesesidat pa komunidat di Boneiru, inkluso turista, tuma medida adishonal pa protehá nan outo.

KPCN ta rekomendá no solamenté pa ta alerta, pero tambe pa tuma medidanan simpel pero alabes efisiente pa redusí e riesgo di hòrnamentu òf ladronisia for di a outo. Asina KPCN ta mustra riba importansia di lòk e outo, saka kosnan balioso for di outo, stashoná e vehíkulo na lugá sigur, i si ta posibel tambe instalá un alarma den e outo.

Prevenshon importante 

“Ku e medidanan preventivo aki, nos ke purba yuda redusí e kantidat di ladronisia, i oumentá e seguridat den su totalidat. Nos ta kontinua investigá aktivamente tur e kasonan i ta hasi un apelashon riba komunidat pa raportá aktividat sospechoso mesora,” segun KPCN den un deklarashon na prensa.