ORANJESTAD – Polis di Aruba ta bai pone kòntròl mas severo riba muchanan den outo. Mayoria biaha ta pone nan sinta dilanti òf para mei mei di e stulnan di dilanti.

Motibu pa e kòntròl mas intensivo aki ta komienso di aña eskolar i e kantidat di aksidente, kaminda muchanan ku ta den outo ta enbolbí den e aksidentenan.

Konforme lei mucha bou di djesdos aña mester sinta patras i mester tin faha di seguridat bistí. Muchanan mas chikitu asta mester ta den un ‘kinderzitje’. Esei ta sosodé masha poko i uso di faha di seguridat sigur ta un problema.