Kralendijk- Segun informashon di Kuerpo Polisial (KPCN) den oranan di marduga di djabierne pa djasabra a drenta melding di un bringamentu na altura di Te Amo Beach.

Den e insidente aki tabata tat resultá di ta involví un agente polisial na sivil. No ta menshoná si e polis en kestion tabata trahando òf ku e tabata liber na e momentu ei, aunke ku esei ta wòrdu sugerí enfatisando ku e tabata bistí na paña di sivil, i no na unifòrm. Bosero di KPCN a informá ku e kaso aki ta bou di investigashon i ku na e momentu aki no por duna mas informashon.