KRALENDIJK – Djarason, agentenan di Kuerpo di Polis Karibe Hulandes (KPCN) por fin a tuma akshon kontra e problema di stashonamentu ilegal den sentro di Kralendijk. Un problema ku por sierto sigui eskalá.

Segun KPCN, e stashonamentu ilegal no ta kousa solamente molèster, sino tambe situashonnan peligeroso pa otro usadónan di kaminda. Durante un kòntròl di tráfiko, djarason mainta, a repartí un total di 28 but. Bintiun di esakinan tabata pa stashoná auto kaminda ku no tin mag, i polis a bai ku sinku auto. 

Polis ta nota tambe ku a pesar ku tabatin 30 lugá di parkeo disponibel na Brion Kazerne, hopi chófernan a skohe pa parká ilegalmente.

Djaweps mainta, seis shofù masr a haña un but i a bai ku dos auto. KPCN ta avisá ku vehíkulonan mal stashoná lo wòrdu remové for di kaminda i ku e gastunan ta di e transporte lo ta pa kuenta di su doño.