THE BOTTOM- Na e isla di Saba, polis a konfiská un kantidat di mata di mariwana na un kas situá riba e kaminda di aeropuerto. No ta promé biaha ku esaki ta sosodé na e isla.

Hopi hende ta mira e krio aki komo algu inosente, pero ketu bai e ta kontra di lei, i polis ta konfiská e matanan aki.

Den un relato di prensa, polis na Saba ta enkurashá siuidadano pa mèldu na polis ora ta mira algun aktividat ku ta kontra di lei. Polis ta mustra riba e echo ku esaki por wòrdu hasí di forma anonimo tambe.