WILLEMSTAD – Eksaktamente un dia despues ku e famia a bai e matutino Èxtra, pasobra ya ta tres luna kaba ku hendenan di den bario ta terorisá nan, polis a arestá seis persona, di kua tres ta menor di edat.

Tabata tira e kas di e famia na Haïtiweg den Buena Vista konstantemente ku piedra i asta ku batata. Tabatin herido, entre otro un beibi di nuebe luna. A destruí e kas basta i a pega e outo di famia na kandela.

Remarkabel ta ku e famia tambe a tira e otro kasnan ku piedra i ku e pleitunan ku violensia entre nan ku nan tabata eskalá di tur dos banda.