WILLEMSTAD – Polis ta en buska di Tishandra Virginia Martina. Djamars pa mitar di kuater e mucha muhé a bandoná kas di su mayornan na Groot St. Jorisweg i no a regresá. Tishandra su nòmber di kariño ta ‘Chilli’.

Na momentu ku el a sali kas Thishandra tabatin un blusa pretu ku blanku i un shòrt floriá bistí i slòf lila na su pia. E ta 1.60 meter largu ku un postura normal, kara oval i ta bisti un peluka di flègtu.

Es ku por a mir’é entre djamars mèrdia i awe òf sa na unda e ta keda por tuma kontakto ku polis na number 917 òf anónimo na number 108.