WILLEMSTAD –  Polis ta buskando un mucha hòmber di 14 aña ku a sali for di e instituto hubenil GOG i no tabatin pèrmit pa esei. Esei a sosodé antayera den kareda di mitar di un di mèrdia.

Na momentu ku el a sali bai Jean Paul Kleinmoedig tabatin un flanè bistí, un karson di trein koló shinishi i sapatu Adidas na su pia. E tin dos tatuahe, unu riba su pechu banda robes i unu na su garganta.

E ta 1.80 meter largu, delegá, su kara ta oval, kabei maron kla un tiki largu i koló di kueru maron kla.

Si bo sa unda Jean Paul ta awor aki òf si bo a mir’é despues di antayera mèrdia, ta suplikabo pa yama polis na number 917 òf anónimo na number 108.