KRALENDIJK- Algun ratu promé ku 7 or di anochi, ‘meldkamer’ sentral a risibí dos diferente notifikashon ku a topa dos kurpa sin bida. Polis i departamento forénsiko di KPCN a bai na e sitio. 

A enkontrá e prome kurpa sin bida den un kas na Kaya Tonkawa. Despues di investigashon, dòkter a konstatá morto natural di un hende hòmber di 64 aña di edat di inisial F.B.M. nasé na Boneiru. 

E di dos notifikashon tabata pa un kas situá na Kaya Neerlandia. Na promé instante patruya no por a drenta e kas pues a kibra e porta pa por yega na e kurpa. 

Despues di investigashon, dòkter a konstatá morto natural di un hende hòmber di 59 aña di edat di insial R.J.V. nasé na Hulanda.